2017 წლის იმიტირებული ახალგაზრდული არჩევნების შეჯამება

არჩევნები ახალციხეში

2017 წლის ოქტომბერში იმიტირებული ახალგაზრდული არჩევნები U18 ფორმატით საქართველოს 10 რეგიონში ჩატარდა.  ახალგაზრდული არჩევნები  საქართველოში პირველად 2016 წლის ოქტომბერში მოეწყო საქართველოს 6 რეგიონში: თბილისში, ქვემო ქართლში, შიდა ქართლში, იმერეთში, სამეგრელოსა და აჭარაში. 2017 წელს ახალგაზრდულ არჩევნებს შემოუერთდა აჭარის, კახეთის, მცხეთა-თიანეთისა და სამცხე-ჯავახეთის რეგიონებიც.

თითოეულ რეგიონში რეგიონული კოორდინატორები მუშაობდნენ ადგილობრივ სამოქალაქო განათლების პედაგოგებთან. საქართველოს სამოცდათხუთმეტმა საჯარო და კერძო სკოლამ ადგილობრივ არჩევნებამდე ერთი კვირით ადრე ჩაატარა იმიტირებული ახალგაზრდული ადგილობრივი არჩევნები. არჩევნებამდე სამოქალაქო განათლების პედაგოგებმა მოსწავლეებს გააცნეს ანონიმური საარჩევნო  სუბიექტების პროგრამები (რეალური საარჩევნო სუბიექტების ადაპტირებული პროგრამები). პროგრამების განხილვისას საარჩევნო სუბიექტების ანონიმური წარდგენის გამო (პირობითი სახელებით „საარჩევნო სუბიექტი A, B, C და ა.შ.) ახალგაზრდები მეტ კონცეტრაციას აკეთებდნენ თავად სუბიექტების პროგრამებზე და სამოქმედო გეგმაზე, ახალგაზრდების მიერ არჩევანის გაკეთებისას მათზე გავლენას ვერ ახდენდა სუბიექტების სახელები, ცნობადობა, პოპულარობა და სხვა. 

სამოქალაქო განათლების პედაგოგების მიერ გამოყენებული მეთოდოლოგიის რამდენიმე მაგალითი:

• მოსწავლეებმა განიხილეს საარჩევნო სუბიექტების პროგრამებში წარმოდგენილი მათთვის პრიორიტეტული საკითხები - თუ რა არის მათი აზრით ყველაზე აქტუალური პრობლემა ადგილობრივი თემისათვის და როგორაა ასახული პროგრამაში მათი მოგვარების გზები;
• მოსწავლეები დაიყვნენ ჯგუფებად, თითოეულ ჯგუფს გადაეცა საარჩევნო სუბიექტის პროგრამა . მოსწავლეებმა წარმოადგინეს საარჩევნო კანდიდატების პროგრამები, აქცენტები გააკეთეს პროგრამების ძლიერ მხარეებზე;
• საარჩევნო კანდიდატებს შორის მოეწყო დებატები - იკამათების პროგრამების ძლიერ და სუსტ მხარეებზე;
• მოსწავლეებმა ორგანიზება გაუკეთეს საარჩევნო კამპანიებს - ამომრჩევლებს (სკოლის მოსწავლეებს) გააცვნეს მათი საარჩევნო სუბიექტის პროგრამები;

პროექტში მონაწილე 75 სკოლამ არჩევნების ორგანიზების სხვადასხვა ფორმა აირჩია:

• არჩევნები მოეწყო სკოლის ფოეში გაკვეთილებს შორის დასვენებებზე, სკოლის ყველა მოსწავლეს შეეძლო საარჩევნო ბიულეტინის მიღება და ხმის მიცემა. საარჩევნო სუბიექტების პროგრამები გამოფენილი იყო საარჩენო უბანთან;
• ახალგაზრდული  არჩევნები მოეწყო სასწავლო პროცესის დასრულების შემდეგ, ერთ-ერთ საკლასო ოთახში განთავსდა საარჩევნო უბანი, ყველა დაინტერესებულ მოსწავლეს მიეცა შესაძლებლობა ხმა მიეცა მისი რჩეული საარჩევნო სუბიექტის პროგრამისათვის;
• იმიტირებული ახალგაზრდული არჩევნები მოეწყო სამოქალაქო განათლების გაკვეთილზე, მასში მონაწილეობის მიღება ნებაყოფილობითი იყო თითოეული მოსწავლისათვის;
• ახალგაზრდული არჩევები მოეწყო სკოლის გარეთ, თემში არსებულ ახალგაზრდულ ცენტრში;

რუსთავის #15 საჯარო სკოლა

 საერთო ჯამში საქართველოს 7000-მა 18 წლამდე ასაკის ახალგაზრდამ მიიღო მონაწილეობა  იმიტირებულ ახალგაზრდულ არჩევნებში. მონაწილეთა ყველაზე დიდი რაოდენოდა დაფიქსირდა თბილისსა და აჭარაში. თუმცა თბილისის მხოლოდ 5 სკოლაში მოეწყო არჩევნები, ეს სკოლები მოსწავლეთა მრავარიცხოვნებით გამოირჩევიან (რამაც განაპირობა თბილისში ახალგაზრდა ამომრჩეველთა დიდი რაოდენობა). აჭარის რეგიონში კი იმიტირებული ახალგაზრდუ არჩევნები მოეწყო 30 სკოლაში.

მონაწილეთ გენდერული ბალლანსი თითქმის თანაბარი იყო (52% გოგონა და 48% ვაჯი)

იმიტირებული ახალგაზრდული არჩევნების რამდენიმე სტატისტიკური მონაცემი:

ამომრჩეველდა 10% იყო დაწყებითი კლასების მოსწავლეე;

ამომრჩეველთა 40% - საბაზო სკოლის მოსწავლეები (10-15 წლის)

ამომრჩეველთა 50 % - უფროსკლასელი მოსწავლეები (16-17 წლის)